Di Konferansa Aştî û Civaka Demokratîk a Navneteweyî ku ji aliyê Partiya Demokrasî û Wekheviyê ya Gelan (DEM Partî) ve hat lidar xistin de, peyama Rêber Apo hatibû xwendin.
Name ji aliyê Veysî Aktaş ê ku 10 salên dawî li Îmraliyê û bi giştî 30 sal li girtîgehê ma û piştre hat tehliyekirin ve hat xwendin.
Aktaş ê ku ji Bianet’ê re axivî, bersiv da rexneyên têkildarê peyamê. Aktaş, diyar kir ku pirsgirêka hevpar a bertekên hikûmet, çepgir û sosyalîstan hişkbawerî ye û got, “Hişkbawerî ne tenê di nava rastgiran de, di heman demê de di nava çepgiran de jî tê jiyîn. Yek ji pirsgirêkên esasî ku çepgirên Tirk dijîn jî ev e. Ji ber vê derketin ango pêşketinek çênabe. Ji ber vê bi civakî nabe. Ew qalibên îdeolojîk nayê şikandin û li ser bingehek polîtîk nayê rûnişkandin.”
‘JI BO SOSYALÎSTAN CIHÊ GOTINA DAWÎ NÎNE’
Aktaş, anî ziman ku di peyamê de behsa krîzên ku çepgir li her devera cîhanê dijîn tê kirin ne tenê li Tirkiyeyê û wiha domand, “Ji bo sosyalîstan cihê gotina dawî nîne. ‘Li ser navê sosyalîzmê, me ji bo cîhanê her tişt got û qediya.’ Gotina sosyalîstek naqede. Nabe sosyalîstek di warê polîtîk de xitimandin bijî. Ji ber ku ew xwe dispêre civak û heqîqetê. Ev nirxandin tê wateya qebûlkirina têkçûn û îflasê ye. Çepgirên Tirk jî di nava derûniyeke bi vî rengî de ye. Bi heman jiberkirinan dewam dike û xwe nû nake. Xwe ji hin fikrên teng (dogma) rizgar nake. Difikire ger xwe ji van fikrên teng rizgar bike, dê belav bibe û her tişt winda bike. Ji ber vê dev ji van dogmayan bernadin. Analîz û rexne nakin, bi fikrek azad nagirin dest. Bi heman jiberkirinan timî dubarebûnê dikin.”
ÇIMA DI NAV TIRKAN DE DÎROKA BINDESTAN TUNE YE?
Aktaş, feraseta dîrokê ya çepgirên Tirkiyeyê rexne kir û bang kir ku xwerexneyî nêz bibin. Aktaş, got: “Heke bixwazin Rêbertiyê rast fêm bikin, divê xwe di mijara civaknasiya dîrokî de pêş ve bibin. Divê dîrokê rast bixwînin. Biyaniyên dîroka xwe ne. Heta di nava dîroka xwe bi xwe de jî ‘dîroka bindestan’ dernexistine holê. Çima di nava Tirkan de dîroka bindestan tune ye? Her tim dîrokeke çîna serdest nivîsandî û ew tê de kirde tê ferzkirin. Civakê jî neçarî vê dikin. Berpirsyarên vê kî ne? Nikarin tenê bi sûcdarkirina dewletê xwe xelas bikin. Divê ew jî berpirsyartiyê li xwe bigirin û xwerexneyî nêz bibin.”
DIVÊ DÎROK JI NÛ VE BIXWÎNIN
Aktaş, da zanîn ku divê çepgirên Tirk dîrokê ji nû ve bixwîne û wiha pê de çû: “Hewcehiya wan bi pêşxistina nêrîneke nû ya dîrokê û ferasetê heye. Hewceye vê ji hêla bindestan ve vekolin. Tirkmenan li ku derê winda kir? Yên ku dê derxin holê ku tu eleqeya Tirkîtiyê bi Tirkmenan re nîne ew in. Divê bizanin ku ev bi nêrîna serdestan derketiye holê. Weke mînak, kesên biyanî yên mîna Vambery (Arminius) ku bûne sedema pêşketina neteweperestiyê hene. Lewma jî divê xwendineke nû ya dîrokê ya wan hebe.”
DIVÊ ÇEPGIRÊN TIRK XWE NÛ BIKE
Di berdewamê de Aktaş, têkildarî baş fêmnekirina peyamên Rêber Apo ev tişt anî ziman: “Çawa ku tevgera siyasî ya Kurd di nav xwe de rexnedayîna xwe dabe û xwe nû kiribe, hewceye çepa Tirkiyeyê jî xwe nû bike. Heman jiberkirinên desthilatdariyê di wan de jî hene. Ji bo rast nêzî pêvajoyê bibin, ji bo rêbaza diyalektîk ku mîna ayetekê dubare dikin fêr bibin, ji ewil divê bikarin bijîn. Ya duyemîn jî divê êdî fêm bikin ku tenê bi rêya diyalektîkê nikarin îzaheta civakê bikin. Ya sêyemîn jî pêwîstî bi nêzikatiyên nû heye. Hinek nêzikatiyên bi Kuantumê re pêş ketin, rastiyên derketin holê hene û di esasê xwe de Ocalan jî felsefeya vê derxistiye holê û ew jî vê fêm nakin.
BILA ÊDÎ DEV JI BIÇÛKDÎTINA KURDAN BERDIN
Hewceye êdî ji sedsala 19’an derkevin, ji wan şertan, ji wî hewayî û ji wan polîtîkayan. Divê xwe êdî nû bikin û têkildarî roja îro xwedî gotin bin. Divê ji wir derkevin da ku bikarin sosyal şovenîzmê têk bibin. Bila êdî dev ji biçûkdîtina Kurdan berdin. Ranagirin ku rêberê li hemberî wan Kurd be û teşe dide sosyalîzmê. Biçûk dibînin. Ev rast nîne. Yanî Kurdek nikare rêbertiyê bike? Divê ji ewil vê bi xwe bidin qebûlkirin.”
