Li tunelên berxwedanê yên Gerîlayên Azadiyê yên Kurdistanê pîrozbahiyên Newrozê dewam dikin.
Yek ji fermandarên YJA Starê Peyman Amed Newroz li Rêber Apo, gelê Kurdistanê, gelên Rojhilata Nav3ın û hevrêyên li çeperan li ber xwe didin pîroz kir. Peyman Amed got, “Newroza îsal gelekî cuda ye. Ji ber ku Rêber Apo mohra xwe li vê Newrozê xist. Ji ber vê yekê Newroza îsal hem ji aliyê têkoşîna me ve hem jî ji aliyê siyasî ve xwedî wateyeke cuda ye. Gelê me jî li hemû qadan bi dirûşmên li ser civaka demokratîk û azadiya Rêber Apo bi coşeke mezin Newroz pîroz kir.
Gelê Kurd gelek caran ispat kir ku ew gelê Newrozê ye. Bêguman Newroz cejna gelên Rojhilata Navîn û Mezopotamyayê ye, lê belê gelê ku herî zêde bi coş û xurt pîroz dike, gelê Kurd e. Îro jî gelê Kurd li ser xeta Rêber Apo û PKK’ê dimeşe û pêşengiyê ji demokrasiyê, têkoşînê û berxwedanê re dike. Gelê Kurd heta ku bê vê astê berdêlên gelekî giran da, şehîd da. Em hêvîdar in ku ev Newroz bibe wesîleya serdemeke nû. Weke gerîla û milîtanên vê tevgerê, ji bo serketina pêvajoyê ku ji aliyê Rêber Apo ve hatiye destpêkirin, em ê hewl bidin. Em careke din Newrozê li hevrêyan hemûyan, Rêbertî, dayikên şehîdan û tevahiya gelê xwe pîroz dikin.”
