Kurtulmuş piştî civîna Koma Meclisê ya CHP’ê, diyar kir ku xebata komîsyonê ji bo demokrasiya Tirkiyeyê mînakek e û parlamenterên ji partiyên cuda li ser rapora hevpar li hev kirine.
Kurtulmuş bal kişand ser bendên 6 û 7’an ên raporê ku sererastkirinên qanûnî û hiqûqî dihewîne û got, “Ez hêvî dikim ku pêşniyarên me yên şênber bi taybetî derbarê bendên 6 û 7’an, di demek kurt de ji hêla partiyên siyasî ve werin destgirtin û li Lijneya Giştî ya Meclisê xebatên qanûnîkirinê bên destpêkirin.”
Serokê Giştî yê CHP’ê Ozgur Ozel jî diyar kir ku pêvajo di noqeteya lihevkirinê de ye û got, “Ger aştî were Tirkiyeyê, divê her kes destê xwe bixe binê vî kevirî.”
Ozel anî ziman ku divê xalên 6 û bi taybetî 7 a ku gavên demokratîkbûnê dihewîne bêyî dereng bibe bên derxistin.
Ozel destnîşan kir ku mijarên rêzgirtina ji bo biryarên dadwerî û biryarên Dadgeha Destûrî, serweriya hiqûqê û rêgeza darizandinê ruhê raporê pêk tînin û got, “Wekî ku Serokê Meclîsê jî diyar kir ev baweriya ku meclîs dide hev e. Dema ku ev pêvajo bi vî rengî bi ser bikeve, wê tu kes winda neke.”
