Şeva Şemiyê di serî de Sydney, Brisbane û Melbourneyê, li gelek bajaran zêdeyî 40 xwepêşandan hatin lidarxistin.
Amadekarê çalakiyan Palestine Action Group diyar kir ku li tevahiya welêt nêzî 350 hezar kes tevlî çalakiyan bûn.
Yek ji bajarên ku tevlîbûna herî zêde lê bû, Brisbane bû. Li gorî amadekaran 50 hezar kes li vî bajarî daketin qadan. Polîsan diyar kirin ku ev hejmar nêzî 10 hezar kes e. Têkildarî Sydney û Melbourne hejmarek fermî nehate dayin.
Ji amadekaran Josh Lees li Sydneyê axivî û anî ziman ku Awûstralyayî ji bo rawestandina ‘qirkirina li Xezeyê û ferzkirina pêkanînan li ser Îsraîlê’ daketin qadan. Di çalakiyan de alên Fîlîstînê hatin hildan û tim û tim dirûşma ‘Fîlîstîn a azad’ hate qîrîn.
Çalakiyên şermezarkirinê di demekê de hatin kirin ku Serokwezîrê Îsraîlê Benyamin Netanyahu ji ber biryara naskirina dewleta Fîlîstînê Serokwezîrê Awûstralyayê Anthony Albanese kiriye hedef.
Li Îsraîlê jî dengê bi heman rengî bilind bû. Roja Şemiyê li Tel Avîvê bi sedan kes daketin qadan û xwestin şerê li Xezeyê bi dawî bibe.
