Di van rojên dawî de bi deh hezaran hektar erd ji ber şewatê bûne xwelî û çar kes (du jê li Spanyayê, yek li Qeredagê û yek li Arnavûtlûkê) jiyana xwe ji dest dane.
Li Yewnanistanê 23 cihên cuda daristanê dişewitin û hewlên ji bo vemirandina şewatê didomin. Şewata nû ya li nêzî Patrasê, jîngeh û daristanên herêmê dixe xetereyê. 4,850 agirkuj û 33 balafir ji bo vemirandina şewatê li qadê dixebitin. Ji Hezîranê ve 20,000 hektar erd bûne xwelî.
Li bakur û navenda Portekîzê zêdetirî 1800 agirkuj û 20 balafir ji bo vemirandina şewatên li 5 şewatên qadên dixebitin. Şewata Trancoso derketiye jiyana gundên derdorê dixe xetereyê. Li Portekîzê îsal 63,000 hektar erd şewitîne.
Li Spanyayê jî 14 qad dişewitin, lê kêmbûna germahiyê û barîna baranê hêviyên vemirandina şewatê zêde dike. Li herêma Castille-et-Leon, 6,000 kes hatin tehliyekirin. Li Spanyayê îsal heta niha 99,000 hektar şewitîne.
Li Balkanan, welatên wek Arnavûtlûk û Qeredagê bi şewatan re têdikoşin; li Arnavûtlûkê heta niha kesek jiyana xwe ji dest daye.
Li herêma Aude ya Fransayê 16,000 hektar şewat derket û di encama xebatê de şewat hatiye kontrolkirin. Her wiha hişyariya ji ber germahiya zêde didome.
Li Îtalyayê şewata li binê çiyayê Vezuvê derketibû piştî pênc rojan hate vemirandin.
