Li ber derê Encûmena Hikumeta demborî ya Herêma Kurdistan ya li Hewlêrê, bi dehan bijîjkên nerazî ku ji Dihok û Silêmaniyê jî hatibûn, kombûn û çalakiyek lidarxistin. Bijîjkan di çalakiya xwe de daxwaza tayînkirin û mafên xwe yên darayî kirin.
Li Silêmaniyê jî bijîjkên nehatine tayînkirin, li ber Nexweşxaneya Şar kombûn û daxwaza mafên xwe kirin. Bijîjkan di daxuyaniyek çapemeniyê de diyarkirin ku daxwaza wan ewe bi awayek fermî ji aliyê hikûmetê ve bên tayînkirin û pileyên wan bên bilindkirin.
Her wiha dan diyarkirin ku heta aliyên peywendîdar bersiva daxwazên wan nedin ewê boykota ku ji duh ve ragihandine, berdewam bikin. Hat gotin ku niha karmendên tendirustiyê li nexweşxaneyan tenê li nexweşên ku rewşa wan lezgînin û pêwîstiya wan bi tedawiya bilez heye, temaşe dikin.
