Daxuyaniya Navenda Ragihandinê ya QSD’ê ya li ser mijarê bi vî rengî ye:
“Duh, (23 Îlon 2025) komên girêdayî hikumeta Şamê bi 2 dronên xwekuj nuqteyeke hêzên me li herêma Dêr Hafirê bombebaran kir, dûre bêserûber malên welatiyan topbaran kir, di encamê de 2 şervan birîndar bûn, şervanekî birîndar gihîşt asta şehadetê.
Duh jî gundê Zubeyde hatibû topbarankirin, bi wê re 4 zarok birîndar bûn. Ev êriş îsrara çekdarên Wezareta Parastinê ya hikumeta Şamê ya derxistina aloziyan û hedefgirtina welatiyan nîşan dide.
Şevê şemiyê jî (20 Îlon 2025) çekdarên Şamê gundê Um Tîna yê Dêr Hafirê topbaran kir, komkujiyek pêk anî, di encamê de jê 2 zarok 8 welatî şehîd bûn û 3 jî birîndar bûn.
Ev êrişên hovane yên dubare nîşaneya rageşiya leşkerî ne, ku armanc ji wan êrişan derxistina tevliheviyê û tirsê bixin nava welatiyan û welatiyan bidin koçberkirin. Ev êriş rastiya komên hikumetê ku sûcên hovane li dijî sivîlan ji qetilkirin û bombebarankirinê dikin aşkera dike û peymanên bi rêveberiya li Şamê re hatine kirin bin pê dike.”
