Navenda Ragihandin û Çapemeniya Hêzên Ewlekariya Hundirîn bi daxuyaniyekê ragihand ku çekdarên nenas îro, înê, êrîş birin ser nuqteyeke kontrolê ya hêzên wan a li bajarokê Geranîc li gundewarê Dêrazorê.
Li gorî daxuyaniyê Hêzên Ewlekariya Hundirîn bersiva êrîşê dane û di encamê de pevçûn derketiye.
Hêzên Ewlekariya Hundirîn ragihand ku di encama êrîşê de endamekî wan şehîd bûye û du jî birîndar bûne û êrîşkar jî reviyane. Piştî êrîşê Hêzên Ewlekariya Hundirîn li herêmê dest bi lêgerînê kir.
