Komîteya Koçberan a Serêkaniyê/Ras El Ayn bangewaziyek lezgîn li rêxistinên mirovî yên navneteweyî û herêmî û her wiha li hemû aliyên peywendîdar kir ku alîkariya mirovî ya lezgîn bidin kampên Waşûkanî û Serêkaniyê yên li herêma Cizîrê. Ji ber ku barana dijwar, lehî, şert û mercên hewayê yên dijwar ziyanên mezin gihandine wan.
Di gel van şer û mercên dijwar û berdewama kêmbûna xurek û xizmetguzariyên tenduristiyê, zarok, temenmezin bi taybet jî nexweş zehmetiyên mezin dikişînin.
Meclisa Sûriya Demokratîk (MSD) bi daxuyaniyekê banga pêwîstiya tevgerîna lez û aktîf ji hêla tevahî aliyên eleqedar ve kir ku piştevaniya guncaw bidim koçberên li kampan û diyar kir ku divê hikumeta demkî li hember vegera ewle ya koçberan li bajar û gundên xwe i gorî pîvanên mirovî yên navneteweyî pabendî erkên xwe be.
MSDˊê da zanîn ku divê şandina alîkariyên mirovî ji Sûriyeyiyên li kampan re dewam bike, xebatên bidawîkirina êşên koçber û penaberên li tevahî Sûriyeyê bên kirin ku ji wan jiyaneke birûmet were misogerkirin.
Li her du kampan bi hezaran şêniyên bi darê zorê ji bajarê Serêkaniyê koçber bûne hene. Ji ber barana dijwar jî piranî çadir di bin avê de mane, wê jî êşên malbatan zehmetir kir.
