Meclisa Malbatên Şehîdan a Dêrikê ji bo 146 cangoriyên azadiyê yên ku di mehên Hezîran, Tîrmeh û Tebaxê de li deverên cuda şehîd bûne, merasîma bîranînê li dar xist.
Merasîm li Navenda Çand û Hunerê ya Dîcleyê ya bajarê Dêrikê bi amadebûna malbatên şehîdan, rêveber û endamên saziyên sivîl û leşkerî pêk hat.
Merasîmê bi deqeyeke rêzgirtin dest pê kir. Piştre axaftina Rêber Apo ya der barê nirxên şehîdan û Pêngava 15’ê Tebaxê de hat guhdarîkirin.
Endamê Meclisa Malbatên Şehîdan a Dêrikê Mihemed Elî axivî û banga mezinkirina têkoşînê û xwedîderketina li nirxên şehîdan kir. Mihemed Elî ta pêkanîna azadî û rûmetê ji gelê Kurd re, soza şopandina rêya şehîdan da.
Piştî axaftinan sînevîzyoneke wêneyên 146 şehîdan hat pêşandan.
Merasîm bi dirûşmên “Şehîd namirin” bi dawî bû.
