Li bakur rojavayê Pakîstanê di dema nimêja Înê de li dibistaneke Quranê êrîşeke xwekujî pêk hat. Polîsê xwecihî Necîbur Rahman ji Reutersê re axivî û diyar kirin ku di êrîşê de kurê damezirînerê Talîbanê hedef hatiye girtin.
Di nava kesên ku di teqînê de mirine, Meulana Hamid ul-Hak kurê Meulana Samî ul-Haq ku yek ji damezrînerên Talîbanê tê dîtin jî heye. Di êrîşê de herî kêm 6 kes mirin û gelek kes jî birîndar bûn.
Dibistana ku bû hedefa êrîşê, li bajarekî Pakîstanê ye ku nêzî rêbeja sereke ya ku ber bi sînorê Efganîstanê ve diçe.
Zanîngeha Darul Ulum Heqqanî di salên 1990’î de di pêşketina tevgera Talîbanê de roleke girîng lîst û îro jî weke navendeke xwedîkirina komên olî yên radîkal tê dîtin.
Heya niha ti kom berpirsyariya êrîşê negirtiye ser xwe.
