Platforma Jinan a Edeneyê, bi wesîleya 8’ê Adarê Roja Jinan Cîhanê bi şiyara, “Keda me, bedena me, nasnameya me ya me ye, bila malbata we ya pîroz a we be” û bi dirûşma “Em di 8’ê Adarê de ji bo mafên xwe, jiyan û têkoşîna xwe ya ji bo cîhanek wekhev, azad, bê tundî, bê şer li kolanan in” li Pira Kasim Gulek hatin cem hev û heta Qada Ugur Mumcu meşiyan. Piştî meşê jinan cihê xwe li qada mîtîngê girtin.
Jinên beriya meşê li ser Pira Kasim Gulek hatin cem hev, di noqteyên lêgerîna polîsan re derbas bûn û çûn qada meşê. Jinên ku bi cil û bergên xwe yên neteweyî hatin qada meşê bi erbanê govend gerandin û dirûşmên “Jin, jiyan, azadî” û “Bijî Serok Apo” berz kirin. Di meşê de xwendekarên zanîngehê daxwaza kampusek bi ewle kirin. Jinan bertek nîşanî polîtîkayên rantê yên li herêma erdhejê dan, bi hilgirtina wêneyên siyasetmedarên girtî yên li girtîgehê, daxwaza azadiyê kirin. Jinan bi pankartên ku hilgirtin jiyaneke bê tundî xwestin.
Jinên endamên platformê; “Keda me, bedena me, nasnameya me ya me ye, bila malbata we ya pîroz a we be!” Êrîşên li ser destkeftiyên xwe bi meşekê li ser pankarta ku nivîsîbûn protesto kirin. Înîsiyatîfa Dayikên Aştiyê ya Edeneyê ku cihê xwe di meşê de girt, daxwazên xwe yên aştiyê qîriyan û bi laçikên xwe yên spî bal kişandin ser “Banga Sedsalê” ya Rêberê Gelê Kurd Abdullah Ocalan. Aktîvîstên TJA’yê tevî bi pankarta “Em li dijî komkujiya jinan serî hildin, em ji bo azadiyê dimeşin” bi Kurdî û Tirkî ku amade kiribûn meşiyan û Meclîsa Jinan a DEM Partiyê ya Edeneyê jî pankarta “Bi têkoşîna azadiya jinê re em aştiyê bi rêxistin dikin” bi Kurdî û Tirkî ku nivîsîbûn meşiyan û daxwaza aştiya bi rûmet kirin.
Piştî meşê jin li qada mîtîngê hatin cem hev. Di mîtînga ku bi deqîqeyek rêzgirtinê dest pê kir de komîteya amadekar jin silav kirin û 8’ê Adarê li her kesî pîroz kir. Metna hevpar a platformê ji aliyê Gulcan Aydin û Saadet Çagri ve hat xwendin. Di metna ku daxwazên jinan ên -Keda me, bedena me, nasnameya me ya me ye xwestin de di berdewamiyê de wiha hat gotin: “Daxwaza me ya jiyaneke wekhev û azad a li welatekî demokratîk jî sûc tê dîtin. Muxalefeta civakî hedef hatiye girtin. Sendîkayên kedkar, siyasetmedarên hilbijartî, xebatkarên çapemeniya azad û hunermend di girtîgehan de ne. Şaredar û hevşaredarên hilbijartî li pey hev ji wezîfeyê tên girtin. Rêveberiyên herêmî tên desteserkirin û peymanên kolektîf têne betal kirin. Ji berê heta niha em bi têkoşîn, rêxistinbûn, berxwedan û hevgirtinê cîhanê diguherînin: Li dijî newekhevî û zordariya pergala serdest a mêr ku hewl dide me şer, xizanî û zilmê bêdeng bike û mafên me desteser bike, em ê bin yek û têkoşînê berfireh bikin.”
Mîtîng bi axaftina li ser navê Meclîsa Jinan a DEM Partiyê Hulya Alokmen Uyanik berdewam kir. Hulya Alokmen Uyanik got, “Em li dijî qetlîamên jinan serî hildidin, ji bo azadiyê dimeşin. Em jin bi salan e li dijî zîhniyeta yekperst a serdest a mêr têdikoşin. Em dibêjin ku em bi reng û hebûna xwe li qadan, kolanan, kargehan û zeviyan in. Herî nêzî me, komkujiya li Sûriyeyê, li hemberî gelê Kurd heye. Em wan qebûl nakin ji bo ku em li welat bijîn, em tenê dikarin manîfestoya aştî û demokrasiyê ya birêz Ocalan bişopînin.” Ez hêvî dikim ku em rêxistinbûn û têkoşîna xwe hîn mezintir bikin û li dora manîfestoyê bibin yek, da ku ne tenê jinên Kurd, hemû jinên li Tirkiyeyê yên ku bi cudahiyên xwe eşkere dikin, karibin vê manîfestoyê hembêz bikin û Tirkiyeyê bikin baxçeyekî gulan.”
Mîtîng bi erbane û stranên hunermend Ozlem Baglayan bi dawî.
