Di çarçoveya pêngava cîhanê ya bi daxwaza azadiya Rêberê Gelê Kurd Abdullah Ocalan de, Kongra Star û Meclîsa Jinan a Meclîsa Malbatên Şehîdan ên Kantona Efrîn û Şehbayê çalakiya konvedanê ya 3 rojan li Parka 4ˊê Nîsanê ya bajarokê Ehdas li dar xist. Di roja 3’yan de beşdaran li perspektîfên Rêberê Gelê Kurd Abdullah Ocalan guhdar kir. Piştre endamê Kongra Star a Kantona Efrîn û Şehbayê Hêvîn Reşîd semînerek bi navê “jina siyasetmedar” da. Di semînerê de bal kişandin bi ser rola jinan di dîrokê de û pêşketina wan bi saya fikrê Rêberê Gelê Kurd Abdullah Ocalan.
Endama Komîteyên Parastinê yên kantonê Zekiye Fadil Sîdo semînerek bi navê “şerê şoreşgerî” da.
Piştre beşdaran bal kişandin bi ser girîngiya xebatê ji bo pêkanîna azadiya fîzîkî ya Rêberê Gelê Kurd Abdullah Ocalan.
Çalakî bi daxuyaniyekê bi dawî bû. Endama Koordînasyona Kongra Star Reyhan Elo daxuyanî xwend. Di daxuyaniyê de soza şopandina fikrên Rêberê Gelê Kurd Abdullah Ocalan û rêya şehîdan heta pêkanîna azadiya fîzîkî ya Rêberê Gelê Kurd Abdullah Ocalan hat dayîn.
