Hilbijartinên parlemantê yên li Ermenistanê wekî ceribandinek ji bo piştgiriya siyaseta nêzîkbûna Serokwezîr Nikol Paşînyan bi welatên rojava re têne dîtin.
Piştî şerê sala 2020’an a li hember Azerbaycanê û windakirina Qerebaxê di 2023’yan de, rêveberiya Paşînyan, rexneyên xwe yên li ser Rûsyayê zêde kirine û têkiliyên xwe bi Yekîtiya Ewropî û Dewletên Yekbûyî re xurt kirine.
Paşînyan hilbijartinan wekî hilbijartinek di navbera aştiya mayînde bi Azerbaycanê re û xetera şerekî nû de dibîne. Paşînyan îdia dike ku heke partiya wan hilbijartinê winda bike dikare bibe sedema aloziyên nû li herêmê.
Ji aliyekî din ve, Moskow têkiliyên xurt ên Ermenistanê bi welatên rojeva re bi tundî rexne kir.
Her çend partiya Paşînyan di hilbijartinan de di rêzên pêş de xuya dike jî, hîn ne diyar e ku encam dê çawa bandorê li hevsengiya siyasî bikin, ji ber hejmareke mezin a partiyên ku pêşbaziyê dikin hene.
Hilbijartin di heman demê de wekî ceribandinek ji bo reformên demokratîk ên Paşînyan têne dîtin. Her çend muxalîf hikûmetê ji ber navendîbûnê rexne dike jî, gelek hilbijêr muxalefetê bi rêziknameya kevin û bandora Rûsyayê ve girêdidin.
