Îstifaya Lecornu piştî ku serokê partiya rastgir Les Républicains (Komarparêz-LR) Bruno Retailleau piştgiriya xwe ji hikûmetê vekişand, pêk hat. Ev yek destê Macron qels kir û li welat pênc senaryoyên pêkan derxistin holê:
Lihevkirina bi LR re: Macron dikare dîsa bi LR re li hev bike û hewl bide aramiyê biparêze, lê helwesta Retailleau vî bijardeyê qels dike.
Hikûmeta “NUPES” bi partiyên çepgir re: Macron dikare bi bloka çepgir (PS, Kesk, LFI, Komunîst) koalîsyonekê ava bike, lê nakokiyên navxweyî yên çepgiran vê dibeyiyê lewaz dike.
Koalîsyona PS-Ensemble (tevgera çepgir): Avakirina hukûmeteke bi Partiya Sosyalîst (PS) re pêkan e, lê tê payîn ku ji PS’ê û rastgiran bertekên giran werin.
Hevpeymaniya tixûbdar bi LIOT re: Bi koma navendî ya serbixwe LIOT re hukûmeteke biçûk dikare bê avakirin, lê ev avanî pir lewaz tê nirxandin.
Fesixkirina parlamentoyê yan jî ji kar avêtin: Heke Macron destekê nebîne, fesixkirina Parlamena Neteweyî û hilbijartinên zû dikarin bikevin rojevê. Lê di vê rewşê de, partiya tundrawa a rastgir Rassemblement National (RN) dibe ku di hilbijartinan de bibe yekem.
Analîst diyar dikin ku qada manevrayê ya Macron teng bûye û Fransa bi dibetiyek hilbijartineke nû an jî bêaramiyeke siyasî ya demdirêj re rû bi rû ye.
