Hêzên hikumetê tevahî rêyên ku taxên Şêxmeqsûd û Eşrefiyê digihînin taxên din ên bajar girtine. Tenê 2 rê li ber hatin û çûna peyayan vekirî ne.
Bi tenê rêyên El Ewarid û Çerxerêya Şêhan li pêşiya çûn û hatine bi peyayî ya şêniyan vekirî ne, lê rê nayê dayîn ku erebe derbas bibin. Rêyên Çerxerêya Leyremûn, Çerxerêya Cendûl, rêya Parkê, Telet Eşrefiyê û Cizîrê bi temamî girtî ne.
Girtina rêyan binpêkirina peymana 1’ê Nîsanê ye ku di navbera Meclisa Giştî ya her du taxan û nûnerên hikumeta veguhêz ên Helebê de hatibû îmzekirin. Li gorî peymanê, 7 bendên kontrolê yên hevbeş ên Hêzên Ewlekariya Hundirîn ên taxên Şêxmeqsûd û Eşrefiyê û hêzên ewlehiyê yên hikumeta veguhêz hatin danîn da ku tevgera çûn û hatinê bi rêxistin bibe.
Şêniyên ku çend roj berê li hemberî girtina rêyan rabûbûn, xwepêşandan li dar xistibûn û hêzên hikumeta veguhêz êrişî her du taxan kiribû. Di encamê de kesek şehîd bûbû û nêzî 60 kesên din birîndar bûbûn.
