Bakir Ozturk ê li Girtîgeha Bilind a Tîpa F a Hejmar 2 a Tekîrdagê tê ragirtin, 7’ê Mijdarê bi malbata xwe re bi rêya telefonê hevdîtin kir û got, zext û êrîşên li girtîgehê bûne sîstematîk. Ozturk destnîşan kir ku kel û pelên wî hatine desteserkirin, li qawîş û odeyan her roj lêgerîn tê ferzkirin û diyar kir ku li girtîgehê polîtîkaya tengasiyê tê meşandin û gav bi gav zemînê provokasyonê tê çêkirin.
Birayê Bakir Ozturk, Îbrahîm Ozturk xwest ku çêkerên li girtîgehan provokasyonê rêxistin dikin, bên eşkerekirin. Îbrahîm Ozturk got, divê raya giştî, çapemeniya azad, rêxistinên maf û Meclîs binpêkirinan bike rojev û di vê çarçoveyê de şande biçin girtîgehan. Ozturk zext, êrîş û binpêkirinên mafan ên li girtîgehan, şermezar kir.
