Danişîna dawî ya doza Hevşeredarê berê yê Silopiyayê Seyfettîn Aydemîr ya bi îdîaya “xerakirina yekîtî û yekpareyiya dewletê” hatibû vekirin, hat dîtin.
Şandeya dadgehê tevlî mutalaaya dozger bû û bi îdîaya “endamê rêxistinê” 6 sal û 3 meh cezayê girtîgehê li Aydemîr birî.
Aydemîr bertek nîşanî cezayê girtîgehê da û got: “Wê demê ez hevşaredarê Şaredariya Silopiyayê bûm. Di sala 2016’an de bi awayek derhiqûqî ez ji peywîrê hatim girtin û li dewsa min qeyûm hat tayînkirin. Niha ez Hevserokê DEM Partiyê yê bajarê Edeneyê me. Ev biryar siyasî ye. Bê ku ti delîl hebin ev ceza hat birîn. Ev cezayê di vê serdemê de ku Birêz Ocalan di 27’ê Sibatê de Banga Aştî û Civaka Demokratîk kir de nayê qebûlkirin. Ev biryar ne hiqûqî ye. Biryarek siyasî ye. Ti biryar nikare me ji têkoşîna aştî û demokrasiyê dur bixe.”
