Çawa ku beriya niha li herêmên peravî yên Sûriyeyê li dijî Elewiyan êriş hate kirin û zêdeyî hezar Elewî hatin qetilkirin, êrişeke din a li hemberî Elewiyan vê carê li Hûmsê hate kirin.
Li bajarê Hûms ê Sûriyeyê sibeha 23’ê Mijdarê komên çekdar ên ser bi eşîra Benî Xalid a Hikumeta Veguhêz êriş birin ser taxên Muhacirin û Alarman ku şêniyên wê Elewî û Xiristiyan in. Gelek mal û kargeh hatin şewitandin. Di êrişan de kesekî jiyana xwe ji dest da, herî kêm 12 kes jî birîndar bûn.
Li ser vê yekê li hin taxan qedexeya derketina derve hate ragihandin. Hate gotin, dema qedexeyê heta îro saet 17:00 hatiye dirêjkirin.
Di daxuyaniya walîtiya ser bi desthilata Şamê ve hate ragihandin ku qedexe li taxên Abbasiyya, Ermenîler, Muhacirin, Zehra, Nozha, Akrama, Nazîn, Aşîra, Zeydal, Karm el-Zeytûn, Karm el-Lûz û Hay el-Vurud derbas dibe.
