Meclisa Malbatên Şehîdan a Kantona Firatê konê sersaxiyê ji bo şehîdên Hêzên Parastina Gel (HPG) ên demên cuda şehîd bûn, şehîd Aze Rojgirav, Hêlîn Kobanê, Şiyar Qeremox, Sebrî Kobanê û Cemşîd Elî Esker li Pakrewangeha Şehîd Dîcle ya bajarê Kobanê vegirt.
Di konê sersaxiyê de bi sedan şênî, endamên saziyên Rêveberiya Xweser, rêxistinên jinan û partiyên siyasî amade bûn.
Merasîma sersaxiyê bi rêzgirtinê dest pê kir. Dûre ji rêveberiya Meclisa Leşkerî ya Kobanê Mehmûd Dêmo sersaxî ji malbatên şehîdan re xwest û wiha axivî: “Em wek Meclisa Leşkerî soza ku me daye şehîdên xwe, em careke din nû dikin. Şehîdên me ji bo azadiyê tê koşîn û li ber xwe da, ji bo ku gel li welatekî azad bijîn, canê xwe feda kir. Em jî soz didin ku em ê şopdarên rêya şehîdên xwe bin.”
Seroka Desteya Jinan a Kantona Firatê Macîde Hesûd jî destnîşan kir ku Kobanê bi şehîdan tê naskirin û wiha got: “Em bi saya şehîdên xwe gihaştin vê astê. Wan hişt ku em xwe nasbikin û bigihêjin mafê xwe. Şehîdan ji bo pastina gelê xwe têkoşîn dikin. Em jî soz didin em ê şodarên xeta şehîdên xwe bin, xewn û xeyalên wan pêk bînin.”
Şehîdên Hêzên Parastina Gel (HPG) Hêlîn Kobanê (Şemsê Adil Feyad) di 20`ê Mijdara 2024`an de li Zapê û Aze Rojgirav (Mijdar Mehmûd) di 22`yê Mijdara 2024`an de li Zapê, Cemşîd Elî Esker (Sultan Mehmûd) di 14`ê Nîsana 2018`an de li Serhedê û Şiyar Qeremox (Mehmûd Bekar) di 12`ê Sibata 2025`an li Heftanînê û Sebrî Kobanê (Diyar Şêx Beha) di 16`ê Hezîrana 2023`yan de li Herêmên Parastinê yên Medyayê şehîd bûbûn.
