Cigirê Wezareta Parastinê yê Hikûmeta Demkî ya Sûriyeyê Sîpan Hemo li ser besabê xwe yê fermî yê X’ê têkildarî êrişên li ser Kurdan yên li Helebê û Efrînê peyamek nivîskî da.
Sîpan Hemo ev got: “Ji ber bûyerek kesayetî, gelê Kurd li Helebê û hin deverên derdora wê rastî lêdan û heqaretê hatin. Diyar bûye ku hin kes li benda bûyerên weha kesayetî ne da ku di navbera pêkhateyên gelê Sûriyeyê de nakokiyan biçînin. Ji ber vê yekê, em bang li hemû welatparêzan dikin ku aram bimînin, xwe bi ruhê yekîtiya neteweyî ve girêbidin û nekevin nav vê şerî. Em piştrast dikin ku ew kesên ku ala Sûriyeyê li Kobaniyê anîn xwarê û ew kesên ku heqaretê li gelê Kurd û sembolên wan dikin, heman zihniyetê parve dikin ku armanc ewe ku parçebûn û nakokiyan çêbikin.
Divê em hemû bi hev re li dijî van kiryarên xirab rawestin û ji bo xurtkirina yekîtiya neteweyî û jiyana aştiyane di navbera hemû Sûriyan de bixebitin. Em bang li her kesî dikin ku li malên xwe bimînin, serdana xizim û hezkeriyên xwe bidomînin û li gorî rengerengiya etnîkî û olî jî rêzê li hev bigirin. Her kesê ku heqaretê li ala Sûriyeyê bike an êrişî Kurdan û sembolên wan bike dê berpirsiyar be. Em piştrast dikin ku qanûn dê li dijî her kesê ku gefê li aramî û ewlehîya li Sûriyayê dixwe, wê pêk were. Berevajî vê, divê em bi hev re bixebitin da ku herêmê aram bikin, jiyana aştiyane di navbera
