Komîsyonê diyar kir ku serlêdanên partiyên siyasî hatiye lêkolîn, kontrolên berfireh hatine kirin û ti delîl nehatiye dîtin ku encamên hilbijartinê biguherîne yan jî yekparebûna hilbijartinê bixe nava xeteriyê. Daxuyanî çend saet beriya ragihandina encamên fermî yên hilbijartinê hate dayin.
Di encama hilbijartinê de ti bloka siyasî li parlamentê serwerî bi dest nexist. Lîderê muxalefetê Gadi Eisenkot, Likud û Netanyahû sûcdar kir ku “zexta hilweşînê” li demokrasiyê dikin.
Di hilbijartinên 27’ê Cotmehê de koalîsyona Netanyahu 53 kursî, bloka muxalefetê ya bi lîderiya Eisenkot ê navendîparêz jî 48 kursî bi dest xist. Serketiyê esasî yê hilbijartinê partiyên Ereb bû ku 19 kursî bi dest xistin.
Lîderê baskê çep ê li nava bloka Eisenkot, Yair Golan alîgirê tifaqeke bi van partiyan re ye. Lê belê lîderê baskê rastgir Avigdor Liberman bi tundî li ber vê yekê radibe.
