Wehîde Ebdo Hemo ji gundê Qorê yê Kobanê ye. Çîroka wê xwedîderketin û parastina kevneşopiyekê ye. Bi rê û rêbazên berê ji axê xaniyan lê dike.
Wehîde Ebdo Hemo qala çêkirina xaniyên dîrokî dike û dibêje, “Em axa hûr kom dikin da ku em xaniyan lê bikin. Ew xaniyên kevneşop ên ji pêşiyên me mane, em di wan xaniyan de mezin bûn Ew xanî zivistanê germ û havînê jî hênikin. Hin caran jî em bi kelpîçan xaniyên xwe lê dikin. Ewil em axa xwe kom dikin, pûş dikin nava wê û ev celba rojekê dimîne. Dûre em dikin kelpîç û heta ku hişk dibe em pê xaniyan lê dikin.”
‘EZ DIKIM DI WAN XANIYAN DE BIJÎM’
Heta bi hilma wan xaniyan jî xweş e. Dayîka Wehîde wiha pê de çû: “Ez bi destê xwe wan xaniyan lê dikim û hevjînê min jî li kêleka min bi min re dibe alîkar. Ruxmî ku xaniyên min ê din hene lê dîsa jî ez ji xaniyên kevin hez dikim, dixwazim tê de bijîm. Her xaniyek wê bi qasî kedê be amade be, heta hefteyekê ez dikarim xaniyekî jî amade bikim. Di heman demê de ez xaniyê ji lawirên xwe re jî lê dikim.”
