Endama Konseya Hevserokatiyê ya Partiya Yekîtiya Demokratîk (PYD) Foza Yûsif têkildarî civîna Kongreyê ku wê parastina mafên Kurdan jî bê nîqaşkirin li ser hesabê xwe yê X`ê daxuyaniyek da.
Foza Yûsif got: “Ji bo parastinê vê sibehê li senatoya Amerîkayê yasayek ji bo parastina Kurdan wê bê nirxandin. Divê hemû Kurd piştgirî bidin vê daxwazê. Divê êdî komkujiyên li ser Kurdan li vê cografyayê bi dawî bibin.”
Dema êrişên qirkirinê li ser Rojavayê Kurdistanê dewam dikirin senatorê Amerîkî Lindsey Graham jî nerazîbûn nîşanî êrişan dabû û pêşnûmeyek pêşkêşî Kongreyê kiribû da ku mafên Kurdên Rojava bên parastin.
