Di sala 2011’an de di nav de siyasetmedar, rûspî, alimên olê û kesayetên cuda, li 44 kesan bi hinceta ku sulha du malbatên xwîndarên hev kiribûn, bi îdiaya “endamtiya rêxistinê” doz hatibû vekrin. Danişîna biryarê ya “Doza Komîsyona Edaletê ya KCK’ê”, li 2’yemîn Dadgeha Cezayên Giran a Mêrdînê hat lidarxistin. Hin kes tên darizandin û parêzer tevlî bûn. Di danişînê de ji ewil tespîta nasnameyan hate kirin û piştre jî dozgeriyê xwest cara dawî mutalaaya xwe pêşkeşî dadgehê bike.
Dozgeriyê, xwest hemû kesên di dozê de tên darizandin bi îdiaya “endamtiya rêxistinê” bên cezakirin.
Parêzeran jî li dijî mutalaayê parastin kir û îdiayên dozgeriyê red kir. Dadgehê piştî parastinan biryara xwe da. Li gorî vê; dadgehê ji bo Abdurrahman Bayram, Alaattîn Bulut, Arafat Sirdaş, Aslan Çelîk, Ayten Kahraman, Celal Ata, Çelebî Acar, Elavettîn Ablay, Feryat Tepe, Fuat Olgaç, Halîl Tuguç, Halîl Dogan, Huseyîn Tekîn, Îbrahîm Dîlmeç, Îbrahîm Çoko, Îsmaîl Bal, Kemal Erbey, Kemal Ece, Kemal Aytekîn, Kenan Kavak, Kenan Akdogan, Mehmet Yilmaz, Mehmet Yildiz, Mehmet Emîn Aslan, Mehmet Nevroz Turk, Omer Turgay, Ramazan Keskîn, Sadiye Aksoy Sancar, Seyfettîn Aydin, Seyfettîn Ateş, Siraç Dînç, Suleyman Dogan, Şemseddîn Daghan, Şemsettîn Dînç, Şeyhmûs Sun, Şukriye Yilmaz, Veysi Erdem, Zeydan Akgul, Zeyyat Agaoglû û Zinar Yildirim biryara beraetê da.
Dadgehê biryar da ku dozên Abdurrahman Bayhan û Faraç Turay ku jiyana xwe ji dest dane jî betal kir. Dadgehê, der heqê Şakir Acar de jî bi îdiaya “Endamtiya rêxistinê” 6 sal û 3 meh cezayê hefsê da.
