Zamfara li gel çeteyên ku bi bûyerên revandin, talankirin û avêtina ser gundan têne naskirin, her wiha ji ber gefa cîhadîstan di nava pirsgirêkeke cidî ya ewlekariyê de ye.
Polîsan û rayedarên xwecihî diyar kirin ku êrişa dawî şeva Pêncşemê li gundê Dutse Dan Ajiyayê hate kirin.
Rayedarên xwecihî ragihandin ku êrişkar bi motorsîkletê ketin nava gund, li derdorê reşandin û êrişî sivîlan kirin ku hewl didan birevin. Li gorî agahiyên destpêkê herî kêm 38 kes mirin, lê belê hin çavkanî dibêjin ku hejmara qurbaniyan dibe ku bibe 50.
Berdevkê polîsan anî ziman ku li herêmê kontrol ji nû ve hatiye pêkanîn û dewriye dewam dikin.
ÊRIŞÊN LI BAKUR ZÊDE BÛN
Êriş heman piştî êrişên li eyaleta Kebbî ya cîran rû da ku koma cîhadîst Lakûrawa avêt ser 7 gundan û bi dehan kes qetil kir.
Tê gotin, dibe ku têkiliya Lakûrawa bi rêxistinên ser bi DAÎŞ’ê heye.
