Hat zanîn ku li Nikaraguayê kesên ji ber hincetên siyasî hatine binçavkirin rastî êşkenceyê hatine. Li gorî rapora Kolektîfa Mafên Mirovan a Careke din Qet (Nîkaragua Never Again) di heft salên dawî de 229 kesên ji ber hinceta siyasî hatine binçavkirin rastî ‘êşkence’ û ‘sucên li hemberî mirovahiyê’ hatine.
Di raporê de hat gotin, ji nêzikî 2 hezar kesên ku ji ber protestoyên li hemberî hikûmetê hatine binçavkirin 183 mêr û 46 jin rastî êşkenceyê hatine. Êşkenceyên hatine kirin ji lêdan, lêdana bi çekê, destavêtin, gefxwarin, fetisandin, ceyrandayîn, şewitandin, neynik û diran kişandinê pêk tê.
