Qadeke madenê ya li eyaleta Belûcistanê ya xizan ku li başûrrojavayê Pakistanê ye bû hedefa êrişa komekle çekdar. Li gorî rayedaran, komek ji 40 kesî êriş birin ser madena sifir û zêr a şîrketa National Resources Private Limited.
Hate ragihandin ku êriş roja Çarşemê li navçeya Çagai pêk hat û di encamê de 7 karkeran û 3 wezîfedarên ewlekariyê bi giştî 10 kesan jiyana xwe ji dest dan. Heta niha kesî berpirsyariya êrişê li xwe negirtiye.
Belûcistan li gel çavkaniyên xwe yên xwezayî yên dewlemend li Pakistanê yek ji herêmên herî xizan e. Rêxistinên alîgirê serxwebûnê ku salên dawî li herêmê tevdigerin, bi taybetî êrişê dibin ser qadên madenê û saziyên dewletê.
Rêxistinên Belûcî nerazîbûnê nîşan didin ku hikumeta navendî çavkaniyên xwecihî bi kar tîne lê belê para gelê xwecihî yê herêmê nade wan.
