Rayedarekî polîsan ji AFP’ê re axivî û diyar kir ku demeke kurt piştî fitarê ya êvara Sêşemê, êrîşkarên bombeyî li ber deriyê leşkergeha Bannu ya li eyaleta Hayber-Pakhtunkhwa du wesayitên bombebarkirî teqandin.
Rayedarê ku nexwest navê wî bê eşkerekirin got, “Deriyê sereke bi temamî hlweşiya û çend êrîşkaran piştre hewl dan êrîşî leşkergehê bikin.”
Rayedarê polîsan got, “Hêzên ewlekariyê yên li cihê bûyerê bersiv dan êrîşê.”
Hate ragihandin ku ji ber teqînê kratereke mezin li herêmê çêbû û herî kêm 8 mal û mizgeftek li nêzî cihê bûyerê zerar dîtin.
Rayedarê polîsan got, “Hejmara miriyan niha sê zarok, du jin bi giştî 12 kes in. Di teqînê de herî kêm 20 kes jî birîndar bûn.” Hate gotin, qurbanî hemû sivîl bûn.
Li gorî rayedarê polîsan du jê êrîşkarên bombeyî 6 êrîşkar hatin kuştin.
Baskê koma Hafiz Gul Bahadûr ku rêxistinek piştgiriyê dide Talîbanê ya li Efganistanê, berpirsyariya êrîşê li xwe girt û îdîa kir ku li hedefeke girîng xistiye.
Serokkomarê Pakistanê Asif Alî Zardarî got, “Êrîşeke qirêj e ku netewe bi temamî red dike” û êrîş şermezar kir.
