Li gorî raporek nû ya ku SOHR’ê weşand, di pevçûnên li başûrê Sûriyeyê yên bi rojan dewam kir de zêdetirî 500 kes hatin qetilkirin.
SHOR destnîşan kir ku di nav qurbaniyan de 79 şervanên Durzî û 154 sivîlên Siwêdayê hebûn û 83 ji wan “ji hêla endamên Wezareta Parastinê û Wezareta Karên Hundir ve bi awayekî bê darazî hatin înfazkirin”.
Hat ragihandin ku di pevçûnên ku roja Yekşemê dest pê kirin de 243 hêzên hikûmetê û 18 êrîşkarên Bedewî mirin.
Li gorî rapora SHOR’ê, sê endamên eşîra Bedewî “ji aliyê şervanên Durzî ve bi awayekî bê darazî hatin înfazkirin”.
Her wiha di êrîşên hewayî yên Îsraîlê de 15 endamên hêzên hikûmetê mirin.
Bi vê re, çavkaniyên xwecihî ragihandin ku hêzên hikûmeta veguhêz gelek xanî şewitandin û şêlandin. Her wiha dibe ku encama komkujiyê hîn girantir be û tê gotin ku hîn jî li nava xanî û kolanan cenaze hene.
