Şaredar ji ber lêpirsîna ku ji aliyê Serdozgeriya Komarê ya Stenbolê ve hate destpêkirin, hatin binçavikrin.
Di vê çarçoveyê de Şaredarê Bajarê Mezin ê Stenbolê Ekrem Îmamoglû, Şaredarê Şîşliyê Resûl Emrah Şahan û Şaredarê Beylîkduzuyê Mehmet Mûrat Çalik serê sibehê hatin binçavkirin.
Dozgeriyê ragihand ku biryara binçavkirinê di çarçoveya lêpirsîna ‘lihevkirina bajêr’ de hatiye wergirtin.
Şaredarê Şîşliyê Resûl Emrah Şahan li ser hesabê xwe yê medya dîjîtal peyamek weşand û got, “Serê sibehê li mala min lêgerîn kirin û hatim binçavkirin. Destûr nehate dayin ku li parêzerê xwe jî bigerim. Bila dilê her kesî rehet be.”
Şaredarê Beylîkduzuyê Mehmet Mûrat Çalik jî anî ziman ku di serdegirtina mala wî de hate binçavkirin û got, “Ekrem Îmamoglû Serokê me, ez û hevalên me yên din ên hatine binçavkirin, em zanin ku bi tenê nînin.”
