Kasim di axaftina xwe de ku li banliyoyên başûr ên Beyrûdê bi rengekî zindî ji hezaran piştevanên wî re hate ragihandin, got “Bi gefê wê nikaribin me teslîm bigirin. Bila kes ranebin nebêjin ‘tawîz bidin’, ‘çekên xwe dînin’.”
Daxuyanî di bîranîna Roja Aşûreyê de hate kirin ku ji bo civaka Şîa girîng e. Gotinên Kasim beriya serdana nûnerê taybet ê DYE’yê Tom Barrack a roja Duşemê li Beyrûdê hate belavkirin. Aliyê DYE’yê dixwaze, heta dawiya salê Hîzbûllah bê çek bibe. Bersiva ku meqamên Lubnanê bide vê daxwazê wê ji Barrack re bê ragihandin.
DANÎNA ÇEKAN A BI ŞERT
Naîm Kasim di axaftina xwe de anî ziman ku Îsraîl li gorî agirbestê tevnagere, ji xaka Lubnanê ya dagirkirî venekişiya ye, êrîşan dewam dike, êsîrên Lubnanî nehatine berdan û herêmên di şer de hilweşiyan jinûve nehatine avakirin.
Kasim got, “Piştî ku ev gav hatin avêtin, em ê hingî amade bin ku li ser stratejiya parastin û ewlekariya neteweyî ya Lubnanê biaxivin.” Ev gotin, helwesta bi şert a Hîzbûllahê ya li ser bêçekbûnê nîşan dide.
Kasim ketibû şûna lîderê Hîzbûllahê Hasan Nasrallah ku Îlona derbasbûyî di êrîşa hewayî ya Îsraîlê de ya li başûrê Beyrûdê jiyana xwe jid est dabû.
Li gel ku 27’ê Mijdarê agirbest ketiye meriyetê jî artêşa Îsraîlê dem bi dem êrîşî Lubnanê dike. Îsraîl diyar dike ku ev êrîş li hemberî hedefên Hîzbûllahê ne. Artêşa Îsraîlê her wiha ji pênc nuqteyên stratejîk ên li başûrê Lubnanê venekişiya ye.
