Cenazeyê Şêx Resûl Şahûd roja Çarşemê li ser rêya gundê Mazraa yê nêzî Hûmsê hate dîtin, ku fîşek lê ketibû. Êrîş li cihekî nêzî benda kontrolê ya hêzên ewlekariyê hate kirin.
Li gorî Saziya Çavdêriya Mafên Mirovan a Sûriyeyê (SOHR) êrîş piştî hilweşîna Beşar Esad û vir ve yekemîn êrîşa kujer a li hemberî oldarekî Şîa ye.
Hindikahiya Şîa ya ji 300 hezar kesî ya li Sûriyeyê, bi avaniya desthilatdariya nû ya piştî Esad re di nava têkiliyeke nêz jî de be, ji ber gefên zêde bûne di nava fikaran de ye.
Otorîteya herî bilind a olî ya civaka Şîa têkildarî bûyerê daxuyaniyek da û êrîş weke “Sûîqesteke nemerdane ya li hemberî dengê yekîtiyê” pênase kir.
Di daxuyaniyê de ji rayedaran hate xwestin ku bûyerên bi her awayî ronî bikin û kiryaran derxîne pêşberî edaletê.
Piştî bihîstina mirina Şêx Şahûd gundiyên Mazraayê xwepêşandanên şermezarkirinê lidar xistin.
Di destpêka meha Adarê de piştî bûyerên ku di encamê de zêdeyî 1.700 Elewî yên sivîl hatin qetilkirin, şerê navbera mezheban ên li welêt zêde bû, li paytext Şamê li dêrekê komkujî hate kirin û bi komên Durzî re jî şer qewimî.
