Li gorî agahiyan, nivîskarê girtî Surgeç ji aliyê rêveberiya girtîgehê ve bi 11 rojan cezayê hucreyê hate cezakirin. Hate ragihandin ku Surgeç 10’ê Nîsanê li huncreya yek kesî hate bicihkirin û hemû mafên wî yên ragihandinê jê hate standin.
Bi hinceta dozeke 15’ê Sibata 1999’an Dadgeha Ewlekariyê ya Dewletê bi rengekî bêhiqûqî wê demê cezayê muebbetê li Surgeç birî bû.
Surgeç destpêkê xistin girtîgeha li Meletiyê piştre jî bi dorê sirgûnî girtîgehên Çewlîg, Amed, Elbistan û Maltepe ya Stenbolê hate kirin.
Herî dawî beriya sê mehan sirgûnî Girtîgeha Tîpa F a Hejmara 2’yemîn a Tekîrdagê hatin kirin.
Romatîzma û nexweşiya dil bi Surgeç re heye û spazma dil derbas kir. Her wiha ji roviyên xwe jî nexweş e.
Surgeç di nava 26 salên girtîmayinê de pirtûkên bi navê ‘Dersim’in Gozyaslari’ û ‘Deli Ejma’ nivîsî.
Surgeç salên dûr û dirêj bi Veysî Aktaş re li heman girtîgehê mabû. Veysî Aktaş diviyabû sala derbasbûyî bihata berdan, lê belê berdana wî salekê hate taloqkirin.
