Festîvala fîlman ji aliyê Meclîsa Civaka Kurd a Awûstûryayê (FEYKOM) û Yekîtiya Xwendekarên Kurdistanê (YXK) ve hate lidarxistin û gelek saziyan piştgirî jê re kirin. Festîval îsal cara 11’emîn li paytexta Awûstûrya Viyanayê pêk hat. Di nava 11 salan de ji çar aliyên Kurdistanê û Ewropayê fîlmên ku xelat wergirtine yan jî namzet hatine nîşandan di festîvalê de têne nîşandan.
Festîvala îsal bi nîşandana fîlmê li ser Hevseroka Giştî ya ÎHD’ê Eren Keskîn destpê kir. Di bernameya roja duyemîn de jî fîlmên kurt ên ji 6 heta 20 deqeyan hatin nîşandan. Red Room, Kwistan, Zaam, Dancing Amid Fire, Rising Above Ruins, YARÊ, Mond û Sonne çend ji wan fîlman bûn.
Di bernameya roja Înê de jî fîlmên Muharrem, Xewna Bê Ziman, Naharina û The Virgin & Child hatin nîşandan.
Roja Şemiyê jî fîlmên Asadur, Tevî Her Tiştî, Hat Nehat, Xwes Xeber, Kurmê Darê û Eine Brücke nach Rojava hatin nîşandan.
Di çarçoveya festîvalê de li Schauspielhausê panelek hate lidarxistin.
Roja dawî ya festîvalê bi nîşandana fîlmên kurt destpê kir û piştre fîlmên polîtîk hatin nîşandan. Festîval êvarê bi nîşandana fîlmên Vartinîs û Suwariyên Şengalê bi dawî bû.
Rojên Fîlmên Serçavan ên 11’emîn bi beşdariyeke xurt bi dawî bû.
