Derket holê ku girtiyê bi navê Cîhan Talak ê 20 salî ku li Girtîgeha Tîpa M a Wanê dihat ragirtin, hefteyek berê bi awayekî guman jiyana xwe ji dest daye.
Li gorî nûçeya Ajansa Mezopotamya; Cîhan Talak ê li Girtîgeha Tîpa M a Wanê dihat ragirtin, di qawîşa xwe de mirî hatiye dîtin. Hat îdiakirin ku Talak întîhar kiriye. Hat zanîn ku mirina biguman a Talak, girtiyên din ên di qawîşê de sewqî qawîşên din hatine kirin.
Nehat zanîn ka der heqê bûyerê de lêpirsîn hatiye destpêkirin an na. Hat diyarkirin ku rêveberiya girtîgehê hewl dide bi ser bûyerê bigire. Bêdengiya rêveberiya girtîgehê ya der heqê mirina biguman a Talan de didome.
Hat zanîn ku Talak 2 meh berê hatibû girtin.
