Xwarina Komeleya Nûçegihanên Qesra Spî (White House Correspondents’ Association), ji ber dengê çekan nîvço ma. Di çalakiya ku nêzîkî 2 hezar û 600 kes beşdar bûn de, Donald Trump û hevsera wî jî amade bûn.
Piştî ku dengê guleyan ji derve hat bihîstin, Servîsa Veşartî Trump û hevsera wî bi lez birin cihek ewle. Komele bi tevahî hate valakirin û rayedarên payebilind jî ji herêmê hatin dûrxistin.
Rayedaran ragihandin ku gumanbarekî çekdar hatiye binçavkirin. Di bûyerê de sîxurekî servîsa Veşartî birîndar bû û rakirin nexweşxaneyê. Polîsan tedbîrên ewlehiyê yên berfireh li herêmê girtin û helîkopter li navenda bajêr geriyan.
Berpirsyarê polîsan Jeffrey Carroll, diyar kir ku gumanbar tifingek, demançe û kêrek hilgirtibû û piştî ku hewl da ku bi zorê ji cihê kontrolê ya ewlehiyê derbas bibe, şer derket.
Rayedar diyar kirin ku gumanbarê 30 salî dê roja Duşemê derkeve pêşberî dadgehê. Çapemeniya DYE, ragihand ku hedefa gumanbar rayedarên rêveberiya Trump bûn.
Trump, piştî bûyerê diyar kir ku êrîş bi Îranê ve girêdayî nîne û got, “Ev êrîş wê armanca serketina me ya di şerê li dijî Îranê de neguherîne.”
