Kovara ‘Berxwedana Jiyan e’ ya Federasyona Gaziyên Bakur û Rojhilatê Sûriyeyê ya her du mehan carekê derdikeve, bi hejmara 9’emîn gihişt ber destê xwendevanan.
Di kovara weke “Bultena Leşkerî, Bîrdozî û Siyasî ya Du Mehan” derdikeve de kar û xebatên gaziyan, hevdîtin û nûçeyên gaziyan ên têkildarî rewşa heyî cih digirin.
Di hejmara nehemîn a kovarê de wiha tê gotin:
“Tevahî hemle, pêngav û şoreşên bîrdozî û polîtîk ên derketine holê, bandorên girîng li ser jiyana mirovatiyê kirine bi saya kadro, şervan û pêşengên wan ên bi wêrekî û fedakarî têkoşîn kirine pêş ketine û gihiştine serketinê. Asta herî bilind û pîroz a evqas wêrekî, fedakarî û fedaîtiyê bêguman şehadet e. Gotinên herî xweş û bedew ên ji bo başî, rastî û pêşketina mirovan hatine gotin, heke bi jiyaneke azad re bibin yek, ango gihiştibin şehîdên xwe êdî ew doz pîroz e û tiştekî mirov li ser bêje nîne.”
