Li bajarê Winterthur ê Swîsreyê bi pêşengiya Tevgera Jinên Têkoşer (Teko-JIN) bi dirûşma ‘Bi çanda komun ber bi civaka demokratîk ve’ şeveke çandê hate lidarxistin. Çalakî bi coşeke mezin derbas bû.
Piştî deqeyeke rêzgirtinê ya ji bo şehîdên têkoşîna azadiyê, Meclîsa Zarokan a Swîsreyê derkete ser dikê û li ser çanda Kurd şanoyek pêşkêş kir.
Di şevê de her wiha dokûmantera ‘Defter’ a li ser kuştinên kiryar nediyar û konsepta şerê taybet a li dijî gelê Kurd hate nîşandan. Piştre Koma Govendê ya Winterthurê hunera xwe pêşkêş kir.
Koma Arî derkete ser dikê û stranên xwe got.
Ciwanan jî lîstika ‘Aware’ ya ji herêma Amedê nîşan da. Di fînala şevê de jî Awazê Mîtra derkete ser dikê.
Di çalakiyê de ji bo Festîvala 1’emîn a Çanda Kurd a li Zurichê ya 23’ê Tebaxê banga tevlîbûnê hate kirin.
