Wezareta Tenduristiyê da zanîn ku di encama êrîşên Îsraîlê yên 24 saetên dawîn de 59 kesan jiyana xwe ji dest dane û 386 kes jî birîndar bûne.
Li gel vê hejmarê ji 7’ê Cotmeha 2023’yan ve ye bi tevahî 64 hezar û 964 kesan jiyana xwe ji dest dane û 165 hezar û 312 kes jî birîndar bûne.
Ji 18’ê Adara 2025’an ve ye ku Îsraîlê agirbesta dawîn a li gel Hamasê bi yekalî bi dawî kir, 12 hezar û 413 kesan jiyana xwe ji dest dane û 53 hezar û 271 kes jî birîndar bûne. Ekîbên rizgarkirinê diyar dikin ku wan nekariye xwe bigihînin gelek mexdûran û hê jî gelek cenaze di bin xirbeyên şer de ne.
Her wiha di 24 saetên dawîn de ji nava welatiyên ku li alîkariya mirovî digerin, 112 kes birîndar bûne.
Heya niha hejmara kesên ku hewl dane xwe bigihînin alîkariyan û jiyana xwe ji dest dane 2 hezar û 497 kes e û 18 hezar û 294 kes jî birîndar bûne.
Hêjayî bibîrxistinê ye ku di 24 saetên dawîn de sê kesan ji ber birçîbûnê jiyana xwe ji dest dane.
