Li Yewnanîstanê karker-kedkaran li dijî enflasyona zêde, giranbûna jiyanê û bi daxwaza zêdekirina mûçeyan dest bi greva giştî kirin. Greva ku ji nîva şevê ve destpê kir û ji bo 24 saetan hate plankirin li seranserê welat jiyan rawestand. Bi grevê re li seranserê Yewnanîstanê çalakiyên bi beşdariya deh hezaran hatin lidarxistin. Seferên otobîs, tramvay û metroyan ku ji ber grevê hatin rawestandin, ji bo çalakvanan veguhezîne qadên mitîngê dîsa xebitî.
Li paytext Atîna, li bajarên wekî Selanîkê bi deh hezaran kes daketin qadan. Daîreyên dewletê, saziyên raya giştî, dibîstan, malên zarokan û dadgeh tevahiya rojê girtî man. Li nexweşxaneyan jî tenê li beşên lezgîn û ji bo nexweşên li nexweşxaneyan xîzmet hate dayîn.
Di du salên dawî de karker û karmend li dijî zêdebûna buhayê jiyanê daxwaza zêdekirina mûçeyan dikin.
