Sê sal bi ser qetilkirina Nivîskar, lêkolîner, dîroknas û Endamê Desteya Rêveber a Tevgera Azadî Mamoste Şemal (Suheyl Xurşîd) re derbas dibe. Bi vê boneyê îro di saet 13:00’an de li ber derê mala wî ya li bajaroka Kifrî ya ser bi îdareya Germiyanê ku di heman demê de cihê lê şehîd bûyî ye, merasîmek bîranînê hat lidarxistin.
Di merasîmê de malbat, xizim, hevrê, welatparêz û azadîxwaz tevil bûn. Merasîmê bi deqeyek rêzgirtina ji bo giyanê şehîdan dest pê kir. Piştre beşdarvanan gul li ser piskilêta Mamosta Şemal ya ku di dema şehîdbûna wî de bikardianî, danîn.
Piştre jî bi wesîleya sêyemîn salvegera şehadeta Mamosta Şemal, sê şitil hatin çandin.
Biryare di saet 17:00’an de li ser gora Mamosta Şemal jî merasîmeke bîranînê were lidarxistn û pirtûkek li ser jiyan û têkoşîna Mamosta Şemal bê belavkirin.
Nivîskar lêkolîner, dîroknas û Endamê Desteya Rêveber a Tevgera Azadî Mamoste Şemal yek ji nivîskar, siyasetmedar, dîroknas, arşîvan û kesayetên diyar yê Germiyanê bû. Yek ji rewşenbîrên navçeya Kifriyê bû ku bi berhemên xwe mohra xwe li dîroka Kurdistanê bi taybet li Germiyan û Kifriyê xistiye. Mamosta Şemal roja 28’ê Tebaxa 2022’yan di saet 13:00’an de dema ji karê xwe vedigeriya malê, li ber derê mala xwe ya li navçeya Kifriyê ji aliyê hin çekdarên ser bi MÎT’a Tirk ve hat gulebarankirin û şehîd bû. Sê sal derbas bû, lê heta niha kujer nehatine girtin.
