Meclisa Gelan a Demokratîk a Herêma Bakur û Rojhilatê Sûriyeyê îro rûniştina xwe ya 120ˊan li hola civînan a Rêveberiya Xweseriya Demokratîk a Herêmê ya bajarê Reqayê li dar xist. Di rûniştinê de hevserok û endamên meclisên gelan ên kantonên Herêmê û hevserokên Meclisa Rêveber amade bûn.
Piştî deqeyek rêzgirtinê, nîqaşên rûniştina berê de ji hêla cîgirê Hevserokatiya Meclisa Gelan a Demokratîk Yasir El Silêman ve hat xwendin, dûre pêşniyara ku ji Meclisa Rêveber a Herêmê re hatiye kirin ku navê Desteya Çandê bibe Desteya Çand û Ronakbîriyê hat erêkirin.
Dûre rêziknameya meclisê ya ku ji du bend û 37 madeyan pêk tê ji hêla Yasir El Silman ve hat xwendin, nîqaşkirin û guhertinên guncaw li ser hatin kirin.
Piştî nîqaşên li ser guhertinên rêziknameyê bi dawî bûn, endamên meclisê bi giştî deng li ser rêziknameyê da û hat erêkirin.
