Berdevka Meclisa Jinan a DEM Partiyê Halîde Turkoglu, endamên Koordînasyona Jinan Basriye Tekgur û Berna Çelîk di çarçoveya pêvajoya Aştî û Civaka Demokratîk de li navçeya Salîhlî ya Manîsayê bi jinan re civiyan.
Di hevdîtinê de daxwaza azadiya Rêber Apo û girtiyên siyasî derket pêş. Di civînê de hate gotin ku divê komisyona Meclisê ya ji bo çareseriya pirsgirêka Kurd hatiye avakirin erka xwe bi cih bîne û qanûnên pêwîst divê were sererastkirin. Di civînê de hate destnîşankirin ku ji bo çareseriya demokratîk a pirsgirêka Kurd, divê têkoşîna jinan a ji bo azadî û wekheviyê were xurtkirin. Jinên ku di civînê de axivîn diyar kirin ku li zeviyan bi saetan dixebitin lê heqê destê xwe nastînin û anîn ziman ku pereyê qezenc dikin heta digihêjin malê diqede.
Jina bal kişandin ser destserkirina kedê û zêdebûna tundiya li ser jinan û li ser girîngiya têkoşîna hevpar rawestiyan.
Jinan anîn ziman ku temenê bikaranîna hişbirê daketiye 10 salî û gotin ku van polîtîkayên bi zanebûnî dimeşînin. Jinan detsnîşan kirin ku jiyana zarokan di metirsiyê de ye.
DI civînê de bal kişandin ser girîngiya têkoşîna rêxistinkirî û avakirina Aştî û Civaka Demokratîk.
