Serdozgeriya Komarê ya Stenbolê ji ber karîtura di hejmara 26’ê Hezîranê de hatî weşandin der barê Kovara Lemanê de lêpirsîn da destpêkirin. Midûrê Karên Nivîsê yê Kovara Lemanê Aslan Ozdemîr di çarçoveya lêpirsîna didome de li Balafirgeha Stenbolê hate binçavkirin.
Hate hînbûn ku Ozdemîr dema ku ji balafira Turkish Airlines a ji Marsîlya ya Fransayê hate Stenbolê peya bû hate binçavkirin.
Her çiqasî lêpirsîn bi îdîaya ku di karîkaturê de “heqaret li nirxên olî kiriye” hatiye vekirin jî karîkaturîst Dogan Pehlevan bi sûcên weke “Heqaret li serokkomar kiriye” û “Dijminatî û kîn di nava civakê de belav kiriye” tê tawanbarkirin.
Yek ji Midûrê Karên Nivîsê yê kovarê Zafer Aknar, grafîker Cebrail Okçu û hesapgirê şîrketê Alî Yavuz jî di çarçoveya heman lêpirsînê de bi sûcê “Dijminatî û kîn di nava civakê de belav kirine” tên tawanbarkirin.
