Ozel bi reya medya dijîtal daxuyanîyek belav kir û got ku “Partiya me li cem aşitiyê ye.”
Ozel ku şewitandina çekan bi “dilşadî” pêşwazî kir, spasiyên xwe di serî de bo rehmetî Sirri Sûreyya Onder û hemû derdorên siyasî û rayedarên ku ked û piştgirî dayî vê pêvajoyê pêşkêş kir û wiha got;
“Em hêvî dikin ku ev gave bi temamî bibe destpêka pêvajoya bêdengkirina çekan. Divê ev pêvajoye bi hemû partiyan re, hemîûcivakê re; bi gavên bilez û biryardar, di bin sîwana meclîsê de, were rêvebirin”
Ozel, got: “Aştiyeke tam a Tirkiyeyê, tenê bi cîbicîkirina edalet û demokrasiyê pêkan e. Rewşeke ku li şûna şaredaran qeyûm tên tayînkirin, lêpirsînên ku têketina Kurdan a meclisên şaredariyan sûc dibîne, siyasetmedarên hilbijartî bi rêbazên derhiqûqî tên girtin û hevrikiya demokratîk tê seqetkirin, mezintirîn dijminê aştiyê ye û astengiya herî mezin a li pêşiya xurtkirina eniya navxweyî ye. Pêdiviya welatê me; Tirkiyeya Bêteror û Demokratîk e. Ji bo refahê aştî, ji bo aştiyê yekitî, ji bo yekitiyê demokrasî û edalet pêwîst e. Ji bo pêşerojeke hevpar, ji bo ji aştiyê re sûdewer bin em ê bi biryardarî têbikoşin.”
