Meclisa Sûriya Demokratîk (MSD) di salvegera 6’emîn a dagirkirina bajarên Serêkaniyê û Girê Spî de (9 Cotmeh 2019) daxuyanî da.
Di daxuyaniyê de hat diyarkirin ku êrîşa li dijî herdu bajaran bû sedema qetilkirina bi sedan sivîlan û koçberkirina zêdetirî 200 hezar niştecihên resen. MSDˊê daxuyand ku ev wekî sûcên herî metirsîdar ên li dijî serweriya Sûriyeyê û yekitiya xaka wê ne.
Di daxuyaniyê de hat gotin ku hilweşîna rejîma berê di Kanûna 2024ˊan de û avakirina hikumeta veguhêz werçerxeke siyasî ava kir û ji bo Sûriyeyiyan ku dest bi qonaxeke nû ya vegerandina rûmeta neteweyî bikin hêviyek çêkir. Lê berdewama dagirkeriya Tirk û mayîna komên girêdayî wê li deverên dagirkirî hikumeta veguhêz radixe pêşberî berpirsiyariya yekser. Divê hikumeta veguhêz li ser bidawîkirina vê dagirkeriyê bixebite.
Di berdewama daxuyaniyê de hat destnîşankirin ku li herdu bajarên dagirkirî qanûnên navneteweyî tên binpêkirin, û hewldanên têkbirina nasnameya dîrokî ya her du bajaran û mozaîka civakî, tê kirin.
MSD’ê diayr kir ku bi bidawîkirina dagirkeriyê û vekişandina komên girêdayî wê, erkeke neteweyî û şertê bingehîn a serxistina proseya pêvajoya veguhêz û pêkanîna ewlehî û îstîqrara Sûriyeyê ye.
MSD’ê banga pêkanîna peymana 10ˊê Adarê kir, ji ber ku çarçoveya neteweyî ya misogeriya yekitiya Sûriyeyê û edaleta çareseriya siyasî ye. Li kêlek wê bang li hêzên navneteweyî û rêxistinên hiqûqî kir ku garantiya vegera koçberan bikin û jiyanê li herêmên dagirkirî vegerînin.
Di dawiya daxuyaniyê de MSD’ê pabendiya xwe bi têkoşîna siyasî û avakirina Sûriyeya demokratîk, pirreng û nenavendî dubare kir.
