Şandeya Îmraliyê piştî hevdîtin bi Rêber Apo re kir, li Stenbolê banga Rêber Apo bi raya giştî re parve kir. Rêber Apo di peyama xwe de bal kişand ser vekirina rêyên siyaseta demokratîk û xwişk û biratiya Kurd-Tirkan.
Siyasetmedar Mûsa Pîroglû banga Rêber Apo nirxand û got, “Bi rastî, ev bang ne ku tiştekî diqedîne ye. Berovajî vê banga destpêkirina pêvajoyeke nû ye. Birêz Ocalan di peyamê de balê dikşîne ser gelek tiştan. Birêz Sirri Sureyya Onder di têbiniya parve kir de bal kişand ser xala girîng û her tişt di wê hevokê de veşartî ye. Bi rastî ‘Heke hûn sedemên avabûna PKK’ê ji holê rakin wê PKK bi hêsanî xwe fesh bike’. Lê berpirsyarî û peywir ji kongreyê re hişt. Divê aliyê siyaseta demokratîk û hiqûqî bê naskirin. Di vir de du xalên girîng derdikevin pêş; tiştên ku ketin ser milê Birêz Ocalan bi cih anî û êdî berpirsyarî li ser milê dewletê ye. Ya duyemîn jî bang li raya giştî hat kirin û banga tevgerîna ji bo avakirina şertên aştiyê kir. Dîsa bang li hêzên navneteweyî kir ku ji bo çekberdanê şertan ava bikin. Li gorî min banga diyalog û gavavêtinê kir. Gotina ‘Raste rast pêvajo qediyaye, em xwe belav dikin’ di nava wê de tine bû.”
