Netanyahu wiha got: “Divê dijminê li Xezeyê bi temamî were têkbirin, hemû girtiyên me werin rizgarkirin û Xezeyê êdî ji bo Îsraîlê nebe gef. Em dev ji peywiran bernadin.”
KATZ: DIVÊ HEMÛ TEDBÎRÊN PÊWÎST WERIN GIRTIN
Wezîrê Parastinê yê Îsraîlê Îsraîl Katz anî ziman ku divê Hamas li Xezeyê were têkbirin û tedbîrên vegera girtiyên bên misogerkirin.
Li gorî daxuyaniya wezaretê, Katz wê di nav rojê de helwesta xwe pêşkêşî Serokwezîr Binyamin Netanyahu û endamên kabîneyê bike.
Medyaya Îsraîlê ragihand ku kabîneya ewlehiyê wê di nav rojê de bicive, lê civîn bi fermî nehatiye piştrastkirin.
Katz di serdana leşkerên li Xezeyê de, nêrînên xwe yên li ser gavên ewlehî û siyasî yên ji bo bidestxistina armancên şer werin avêtin, parve kiriye.
Katz ev tişt anî ziman: “Dema ku serokatiya siyasî biryarên pêwîst bide, artêş wê bi awayekî profesyonel bicîh bîne.”
Wezîrê Parastinê diyar kir ku ji bo misogerkirina ewlehiya Îsraîlê, divê li noqteyên stratejîk ên li dora Xezeyê xeteke ewlehiyê ya timî were avakirin, bi vî awayî pêşî li êrîşên li ser civakan û qaçaxçîtiya çekan a ji bo Xezeyê were girtin.
Katz wiha domand: “Ji bûyerên 7’ê Cotmehê dersa herî girîng a ku em jê derxin ev e.” Kantz destnîşan kir ku pêwîste artêşa Îsraîlê “ji tinekirina dijmin wêdetir, divê di navbera dijmin û wargehan de peywira tamponê bicih bîne.”
