Netanyahu li ser hesabê xwe ya Telegramê vîdeoyek parve kir û got, “Pevçûn dijwar in û em bi pêş ve diçin. Em ê hemû herêmên li şerîdê bixin bin kontrola xwe.”
Serokwezîrê Îsraîlê got, “Em ê dest jê bernedin. Ji bo ku em bi ser bikevin divê em wiha tevbigerin da ku kes nikaribe me asteng bike.”
Li gorî servîsên lezgîn, ji ber êrîşên Îsraîlê yên roja Duşemê yên li ser Şerîda Xezeyê 22 kesan jiyana xwe ji dest dane.
Li aliyê din, Îsraîlê ragihand ku ew ê bi rengekî sînordar rê bide alîkariya mirovî ya zêdeyî du meh in hatiye astengkirin.
Hikûmeta Serokwezîrê Israîlî Benjamin Netanyahu, roja Yekşemê ragihand ku beşek ji dorpêça li ser Xezeyê dê were rakirin. Ev daxuyanî piştî çend saetan ku artêşa Îsraîlê dest bi êrîşa bejayî ya mezin li ser axa Filistînê ragihand pêk hat.
Îsraîl, li gel dijwarbûna operasyonên xwe yên leşkerî, bi Hamasê re ji bo agirbestê danûstandinên neyekser dike.
Roja Yekşemê di êrîşên hewayî yên Îsraîlê yên li herêmên cuda yên Şerîda Xezeyê de herî kêm 50 kes hatibûn kuştin ku piraniya wan zarok bûn.
Li gorî Wezareta Tenduristiyê ya li Şerîda Xezeyê, di êrîşên şeva Şemiyê de zêdeyî 100 kesan jiyana xwe ji dest dane.
